Возачите утре повторно ќе го следат потегот на Регулаторната комисија за енергетика, која треба да ја направи новата пресметка на максималните малопродажни цени на нафтените деривати.
Последната промена беше донесена на 10 август и започна да се применува од 11 август.
Според актуелните максимални цени, ЕУРОСУПЕР БС-95 се продава по 87 денари за литар, ЕУРОСУПЕР БС-98 по 89 денари, додека ЕУРОДИЗЕЛ БС чини 91,50 денари за литар. Екстра лесното масло за домаќинство е 92,50 денари за литар.
Минатата недела РКЕ направи значително намалување: двата бензини поевтинија за по 4 денари за литар, дизелот за дури 8 денари, а екстра лесното масло за 6 денари за литар. Просечното намалување на малопродажните цени тогаш изнесуваше 5,81 проценти.
Дали по големото поевтинување ќе следува ново намалување, корекција нагоре или цените ќе останат исти, ќе биде познато по новата пресметка на Регулаторната комисија.