Зошто Австријците се откажуваат од органското производство?

Австрија е водечка земја во Европската унија во еколошкото земјоделство. Таму храната органски се одгледува на дури 27,1 отсто од обработливото земјиште. За споредба, просекот на ЕУ е нешто повеќе од 10 проценти. Во последните години се забележува позитивен тренд на потрошувачката по глава на жител и раст на пазарниот удел, пишува Агрархојт. Во 2023 година, во однос на претходната година, продажбата на еко-свежи производи е зголемена за 5,3 отсто на околу 873,6 милиони евра, но во категоријата други – преработени органски производи опаднала за 2,8 отсто. Во исто време паѓа и бројот на органски фарми. Од 2022 до 2023 година, 930 фарми, или четири отсто, беа затворени. Лани ги имало 24.148, што е 22,7 отсто од вкупниот број.

Намален е и бројот на површините под овој вид на одгледување, за 10.000 хектари, односно се помалку за 1,5 отсто, а се обработуваат вкупно 695.180 хектари.

Претседателката на здружението „Био Австрија“, Барбара Риглер, главната причина за ваквиот пад ја гледа во тоа што земјоделците не можеле да заработат доволно приходи бидејќи продажните цени биле прениски, а во исто време значително се зголемени трошоците за работа.

За да го поттикне овој вид производство, министерот за земјоделство неодамна презентираше пакет од 360 милиони евра, но од здружението сметаат дека тоа само ќе ја отежне ситуацијата бидејќи ги ограничува земјоделците.

Како што беше најавено во август минатата година, сличен тренд има и во Италија, која е рамо до рамо со Австрија по успех во еколошкото производство. Неодамна беше објавено дека земјава нема прецизни податоци за бројот на оние што го напуштаат секторот, но оние кои се откажуваат најчесто го оправдуваат напуштањето на бизнисот со високи трошоци за сертификација и поголеми административни барања, што е особено проблем за малите производители.

Можеби ќе ве интересира...

Производството на вино е најниско во последните 60 години

BiznisPRO

МЗШВ: Доделени нови 100 договори за закуп на земјоделско земјиште за обработка на житни култури

BiznisPRO

Постигнат договор со одгледувачите на овци на средбата во Битола

BiznisPRO