Јавен повик за кофинасирање на комбајни за ориз и мобилни сушари

Со модернизација на механизацијата земјоделството во Македонија може да напредува. Министерството за земјоделство, шумарство и водостопанство преку мерките од Програмата за финансиска поддршка на руралниот развој им излегува во пресрет на земјоделците да ја обноват својата механизација.

Агенцијата за финансиска поддршка во земјоделството и руралниот развој објави Јавен повик 5/2024 за доставување на барања за користење на средства од Програмата за финансиска поддршка на руралниот развој за 2024 година.

Јавниот повик се однесува на мерката 121, за доделување на финансиска поддршка за набавка на специјални комбајни за жнеење на ориз со сецкалици и/или мобилни сушари за ориз.

Максималната вредност на прифатливи трошоци по корисник изнесува 600.000 денари.

Крајниот рок за доставување на барањата е 14.11.2024 година.

Право на користење на средства имаат земјоделски стопанства запишани во Единствениот регистар на земјоделски стопанства во Министерство за земјоделство, шумарство и водостопанство, согласно Закон за земјоделство и рурален развој.

Критериуми кои треба да ги исполнуваат барателите е минимум производствен капацитет од над 1 ха површина под ориз.

Можеби ќе ве интересира...

Усвоена Програмата за работа за 2025 година ‒ во центарот на вниманието се основните цели и развојните активности за натамошно градење на институционалниот капацитет на Народната банка

BiznisPRO

МФ: Усвоени Фискалната стратегија 2025-2029 и Стратегијата за управување со јавен долг

BiznisPRO

Курсна листа за 20 август 2024

BiznisPRO