Животот во Германија поскапе. Стапката на инфлација повторно е за 2,2 отсто повисока од април минатата година, пресмета Институтот за статистика.
Тоа значи дека е запрен падот на цените кој започна на почетокот на годината. Економистите очекуваат натамошен раст на стапката во наредните месеци.
Многу претприемачи најавија поскапувања, на пример аптеките и угостителството. Од март до април потрошувачките цени пораснале за 0,5 отсто.
Статистичарите ги потврдија прелиминарните проценки што ги дадоа на крајот на април.
Во следните месеци може да поскапат енергетските производи бидејќи од 1 април редовно се применува ДДВ од 19 отсто за парното и природниот гас. Од октомври 2022 година, владата го намали данокот поради енергетската криза на само седум проценти.
Цените на енергенсите за домаќинствата во април се во просек пониски за 1,2 отсто, значително пониски во однос на март, кога паднаа за 2,7 отсто. Минатиот месец парното веќе поскапе значително за 27,4 отсто во однос на април 2023 година.
Потрошувачите во април платиле за 0,5 отсто повеќе храна отколку една година порано, за разлика од март, кога храната поевтинила за 0,7 отсто.