Apple „изгуби“ половина милијарда долари на суд

Британскиот округ Норфолк извојува „вредна“ правна победа од 490 милиони долари против американскиот технолошки гигант Apple, врз основа на жалбата дека компанијата ги заведе акционерите во 2019 година со тоа што не им кажала за падот на побарувачката за iPhone-и во Кина.
Apple се согласи да ја плати споменатата сума како дел од спогодбата со Советот на округот Норфолк, пренесува британски Телеграф.

Фирмата со седиште во Купертино, Калифорнија продолжува да негира дека ги прекршила правилата на американската берза или ги заведе инвеститорите, но призна дека понатамошните судски спорови ќе бидат скапи, одземаат многу време и непотребно оптоварени за компанијата, се вели во судските поднесоци.

Парите ќе бидат поделени меѓу инвеститорите кои ќе поднесат барање за отштета и ќе докажат дека Apple им наштетил со тоа што не споделувал податоци за падот на продажбата во Кина.

Со спогодбата заврши тужбата поднесена од американскиот град Розевил пред пет години против Apple, извршниот директор на компанијата Тим Кук и нејзиниот главен финансиски директор Лука Маестри.

Во 2020 година, Советот на округот Норфолк ја презеде оваа акција како главен обвинител.

Можеби ќе ве интересира...

Напнатост меѓу богатите: Милионерите и оваа година бараат зголемување на даноците за милијардерите

BiznisPRO

Државата ќе дели парична помош на пензионерите – Кој може да очекува дополнителна финансиска помош оваа зима?

BiznisPRO

Земјите од Г7 се загрижени поради економската принуда на Кина

BiznisPRO