Властите најавуваат драстично поевтинување на горивата во Македонија
-Очекувам во понеделник, врз основа на тие калкулации, бензините некаде околу 4 денари по литар да се намалат, а дизелот нешто повеќе, околу 7 денари по литар да се намали. Така што, ајде да почекаме во понеделник Регулаторната комисија и официјално да ги каже овие бројки, рече вчера Христијан Мицкоски, премиер.
Утре Регулаторната Комисија за Енергетика се очекува да ги утврди новите цени на горивата на редовната седница која се оддржува секој прв работен ден во неделата.