Државата одлучи: Овие групи граѓани ќе добиваат повеќе пари

Почнувајќи од следната година, германската влада ќе ги зголеми бенефициите за невработените самци од сегашните 502 на 563 евра месечно.

Ова го соопшти министерот за труд Хубертус Хајл, пренесува dpa.

Ова е зголемување од околу 12 проценти за околу пет милиони луѓе, посочи министерот. На луѓето им треба државата да ги поддржи, „особено во време на криза и превирања“, рече Хејл.

Невработените кои живеат со партнери во иднина ќе добиваат 506 евра месечно, наместо 451 евро како сега.

Уште во јануари, владата започна голема реформа на социјалната заштита, која ја заменува програмата за бенефиции Харц IV за долгорочно невработените. Таа програма е на сила од 2005 година.

Новиот систем наречен Birgergeld (Bürgergeld – пари на граѓаните) значи дека социјалните бенефиции може да се прилагодат на инфлацијата побрзо од порано. Се предвидува и подобра професионална обука на невработените.

Повисоки ќе бидат и таксите за лицата со деца. За младите од 15 до 18 години додатокот од следната година ќе изнесува 471 евро месечно, наместо досегашните 420 евра.

За деца од седум до 14 години е предвидено зголемување од 348 на 390 евра, а за деца до шест години од 318 на 357 евра.

Можеби ќе ве интересира...

Повисоките трошоци за живот ја намалија потрошувачката на виски

BiznisPRO

Зголемена популарност на безалкохолните пијалоци: Германските пиварници во криза

BiznisPRO

Омилениот бренд на Македонците под истрага

BiznisPRO