Во насока на унапредување на академската и научната соработка, како и во рамките на посветеноста на Државниот завод за статистика за подобрување на соработката со академската заедница, беше потпишан меморандум за соработка со Американскиот колеџ.
Потпишувањето на Меморандумот претставува клучен чекор кон создавање нови можности за развој на заеднички проекти, семинари и научни активности што ќе ја поттикнат иновацијата во академската сфера. Со ова партнерство, ќе се обезбеди подобра координација и размена на информации меѓу институциите, што ќе овозможи поефикасно користење на статистичките податоци во академските истражувања и образованието, се вели во информацијата на ДЗС.
Меморандумот не само што ќе ја унапреди соработката cо академската заедница, туку и ќе ги зајакне врските помеѓу нашите институции, обезбедувајќи долгорочен развој на научните истражувања и едукацијата, додаваат од заводот.
фото ДЗС
ПОВЕЌЕ ОД ИНТЕРНЕТОТ...