• ноември 25, 2022
  • 2 ДВЕ МИНУТИ ЧИТАЊЕ

Едногласна порака од конференцијата за здравство на АмЧам: “Квалитетното здравство е инвестиција во човечкиот капитал”

Едногласна порака од конференцијата за здравство на АмЧам: “Квалитетното здравство е инвестиција во човечкиот капитал”

Во организација на Американската Стопанска Комора во Северна Македонија (АмЧам), денеска во Скопје се одржа конференцијата за здравство насловена како “Подобрување на пристапот до лекови за сите”, на која учество зедоа видни домашни и меѓународни експерти од различни области на здравствената заштита и менаџирањето на здравствените системи.

Драган Давитков, претседател на Одборот на директори на АмЧам, во своето воведно обраќање посочи дека главната мисија на оваа конференцијата е да се отвори транспарентна и инклузивна дебата околу процесот на проширување на позитивната листа на лекови, со цел и македонските граѓани да добијат пристап до лекови кој не отскокнува од европскиот просек. Тој повика за приоретизација на здравствената агенда и неопходните промени кои треба да овозможат одржлив и квалитетен здравствен систем.

На настанот свои поздравни обраќања имаа и заменик-министерот за здравство, д-р Владимир Рендевски, како и првата дама на Република Северна Македонија, проф. д-р Елизабета Ѓоргиевска.

Главниот говорник на конференцијата, проф. д-р Рифат Атун од Универзитетот Харвард во САД, одржа презентација за влијанието на различните демографски, епидемиолошки, политички, економски, социо-културни и технолошки фактори кои доведуваат до криза во светските здравствени системи. Тој понуди решение во форма на теоретски модел од пет чекори за трансформација на здравствениот систем, кој се состои од: промена во институционалната логика, инклузивни партнерства, интегрирано дејствување, инвестиции во здравството и поголем пристап до иновациите. Според професорот Атун, финансирањето на здравството не е трошок, туку инвестиција во човечкиот капитал – резултирајќи со мерливи придобивки и поголема економска оправданост од многу други сектори.

Д-р Славејко Џамбазов, меѓународен експерт и консултант за здравствени политики и технологија, се осврна кон важноста на практиките за проценка на здравствени технологии во унапредување на ефективноста на системите за здравствена заштита. Според  него, проценката на здравствените технологии нуди можност за подобра контрола и предвидување на здравствените буџети, промовира ефективни решенија и транспарентност, а нуди и подобра основа за преговарање за цената на лековите и третманите.

Поранешниот директор на Националниот фонд за здравствено осигурување на Република Хрватска, д-р Тихомир Стризреп, зборуваше за одржливо финансирање на здравствениот систем, преку надминување на тендерскиот пристап на јавни набавки, нудејќи методологија заснована врз повеќе критериуми.

Д-р Золтан Кало од Универзитетот Семелвајс во Будимпешта ја нагласи важноста за употреба на податоци од секојдневната медицинска практика во реалниот свет, сѐ со цел ефективна локална адаптација на глобалните теориски системи за изградба на здравствен систем кој ќе има реална вредност за корисниците.

На настанот се одржаа и четири панели кои обработија неколку исклучително значајни теми како “Одржливо финансирање во здравството како предуслов за подобар пристап до лекови”, “Како да се отклучи процесот со позитивната листа на лекови?”, “Здравствена заштита заснована на вредност и потреба од реални податоци” и “Хармонизацијата со ЕУ во областите на лекови и јавните набавки”.

Конференцијата “Подобрување на пристапот до лекови за сите” е прва конференција за здравство на Американската Стопанска Комора во Северна Македонија, иницирана од компаниите кои членуваат во Комитетот за здравствена заштита при АмЧам.

Поврзани соддржини

Проверете дали ве има: УЈП ја објави најновата листа на должници со имиња на фирми и луѓе

Проверете дали ве има: УЈП ја објави најновата листа…

Управата за јавни приходи објавува Листа на должници бр.05/2023 за долгови доспеани…
Внимавајте: Зa една година измамени 43 граѓани со брзи кредити

Внимавајте: Зa една година измамени 43 граѓани со брзи…

Десетици измамени граѓани се соочиле да плаќаат рати од туѓи подигнати брзи…
Цените на становите се очекува да одат надолу, забележан е значителен пад на цените на градежните материјали

Цените на становите се очекува да одат надолу, забележан…

Ќе одат надолу цените на квадратен метар станбена површина во главниот град…
Оддржана констутивна седница на НАТТА

Оддржана констутивна седница на НАТТА

По одлуката на Управниот одбор на Стопанската комора на Северна Македонија за…
Неограничени разговори и повеќе интернет со новата промотивна понуда од МТЕЛ

Неограничени разговори и повеќе интернет со новата промотивна понуда…

Уживајте опуштено во долги телефонски разговори или во повеќе интернет со новата…
Преку одржливо и органско производство на грозје и вино до зајакната позиција на македонската винска индустрија

Преку одржливо и органско производство на грозје и вино…

Зајакнување на позициите на пазарите, градење препознатлив бренд со географска индикација и…
Се стега обрачот околу скапите брзи кредити: Со нов закон нема да смеат да се наплаќаат астрономски камати и провизии

Се стега обрачот околу скапите брзи кредити: Со нов…

Во тек е процесот за носење на законските измени со кои максималната…
Регионалниот фонд за предизвици додели 2,72 милиони за шест македонски проекти за унапредување на стручното образование

Регионалниот фонд за предизвици додели 2,72 милиони за шест…

Шест најуспешни проекти од Северна Македонија се предложени за финансирање во вториот…
АНАЛИЗА: Се очекува пад на цените на становите низ Скопје и внатрешноста на Македонија

АНАЛИЗА: Се очекува пад на цените на становите низ…

Цената на квадратен метар станбена површина ќе се намалува. Напумпаните цени на…
Граѓаните бараат посилна регулација на брзите кеш кредити

Граѓаните бараат посилна регулација на брзите кеш кредити

Две третини од испитаниците или 65,3 отсто изјавиле дека државата треба дополнително…
Значително поевтинија горивата – ова се новите цени

Значително поевтинија горивата – ова се новите цени

Регулаторната комисија за енергетика и водни услуги на Република Северна Македонија донесе…
„Алкалоид“ – најпосакувана македонска компанија за вработување во 2022 година

„Алкалоид“ – најпосакувана македонска компанија за вработување во 2022…

„На манифестацијата беа доделени награди во вкупно 7 категории, а ’Алкалоид’ ја…