Shell по две години присуство на пазарот на Северна Македонија, ја отвори првата бензинска станица во Скопје лоцирана на улица Борис Трајковски бр. 101, во населба Пинтија.
Корал Фуелс ДООЕЛ Скопје, како дел од Coral S.A., започна со работа под брендот Shell во Северна Македонија во 2021 година и е официјален носител на лиценцата за Shell на локалниот пазар. Корал Фуелс веќе работи со 2 малопродажни станици под брендот Shell во Смоквица, на автопатот Пријателство во близина на границата со Република Грција.
Корал Фуелс има за цел да расте со насочени инвестиции и развој низ целата земја со отворање на нови, централно лоцирани малопродажни станици преку кои ќе обезбедува квалитетна услуга за своите клиенти.
Матичната компанија, Coral S.A. (поранешен Shell Hellas S.A.), работи во Грција од 1926 година. Со приближно 790 малопродажни станици кои работат под брендот Shell, компанијата има пазарен удел кој надминува 30% и е лидер на грчкиот пазар. Корал ја поседува и лиценцата на Shell за пазарите во Кипар, Србија и Хрватска.
Бензинската станица во населба Пинтија работи 24 часа.