Германскиот синџир на дисконти TEDi доаѓа на српскиот пазар на мало, пишува порталот Retail Serbia.
ТЕДИ планира во следната година да ги отвори првите дисконти во неколку градови низ Србија, тврди порталот.
Синџирот е основан во 2004 година во Германија и е еден од најбрзо растечките трговски синџири во непрехранбениот сектор, се вели во текстот. Во асортиманот TEDI на своите клиенти им нуди украси, предмети за домаќинството, училишен прибор и голем избор на производи на принципот „направи сам“.
TEDi моментално работи на повеќе од 2.500 локации во 10 европски земји. Покрај во Србија, синџирот влегува и на романскиот пазар и првите филијали ќе бидат отворени до крајот на март.
Првата фаза од проширувањето ќе опфати неколку големи градови во Романија.
TEDi ја отвори својата прва експозитура во Словенија во 2012 година, додека на хрватскиот пазар влезе во 2017 година, а во 2020 година на чешкиот пазар.