Истражувањето даде резултати: Ова е денот во неделата кога сме најмалку продуктивни на работа

Вработените се помалку активни и почесто прават грешки во попладневните часови и во петок. Всушност, петок попладне ја означува најниската точка на продуктивност на вработените, покажуваат резултатите од студијата спроведена од американски експерти.

Додека бројни студии ја испитуваа продуктивноста на работниците користејќи методи како што се дневници или самостојно спроведени анкети и проценки на перформансите.

Сите овие методи се субјективни. Може да бидат погодени од предрасуди и расположение, или луѓето погрешно да се сеќаваат што направиле.

Наместо тоа, истражувачите од Универзитетот А&М во Тексас се потпираа на неинвазивни и објективни метрики за користење на компјутер, како што е брзината на пишување.

Истражувачите ги проучувале таквите податоци собрани од речиси 800 вработени во голема енергетска компанија во Тексас. Анализата беше спроведена во период од две години од 1 јануари 2017 година до 31 декември 2018 година. Потоа беа споредени податоците добиени во однос на времето од денот и различните денови во неделата.

Помалку активности во петок
Истражувачите избраа учесници кои имаа различни деловни позиции, од администратори до инженери.

Откриле дека средната вредност од вкупниот број на внесени зборови е 427 во понеделникот. Оваа бројка ќе се зголеми за 3,45 проценти во вторник и ќе остане релативно непроменета до четврток. Сепак, најголемата промена би следела во петок – пад од 19,1 отсто.

Освен тоа, луѓето правеле значително повеќе грешки при пишување попладне отколку наутро, а тоа било во текот на сите денови во неделата, а особено во петок попладне.

– Утврдивме дека користењето на компјутерот се зголемило во текот на неделата, а потоа значително се намалило во петок. Луѓето пишуваа повеќе зборови и имаа повеќе движења на глувчето и кликнувања на глувчето секој ден од понеделник до четврток, а во петок овие активности беа многу послаби – изјави Техјун Рох, автор на студијата.

Експертите од Универзитетот во Тексас истакнуваат дека резултатите од нивното истражување се важни и сугерираат дека менаџерите би можеле да ги преиспитаат постоечките работни планови со цел работата да ја фокусираат на најпродуктивните денови од работната недела.

Можеби ќе ве интересира...

Повторно кочница: Еве на што реши Германија да заштеди

BiznisPRO

Binance: Биткоинот падна за 2,26 отсто на 26.140 евра

BiznisPRO

Кога да чекате следен лет и кога да ги побарате парите назад: Откажувањето на летот може да биде главоболка

BiznisPRO