Итно ажурирајте го Google Chrome, откриен е сериозен проблем

Секое ажурирање со себе носи шанса да се искористи ранливоста на Zero Day, и тоа е нешто што треба да го заштитите по секоја цена.

Неодамна, ранливоста Zero Day беше забележана и за Google Chrome, па Google објави важна безбедносна надградба за оние со оперативни системи Windows, Mac и Linux.

Ранливоста е идентификувана како CVE-2023-6345 и беше откриена од Групата за анализа на закани на 24 ноември. Сè уште не е детално опишано за да се избегне понатамошна експлоатација, но познато е дека влијае на нешто што се нарекува Skia – 2D графичка библиотека со отворен код што се користи во графичкиот мотор на Chrome.
Иако Google го откри проблемот дури минатата недела, не е познато колку долго злонамерните актери можеле да го користат, ниту точно колкава штета предизвикал.

Оваа ранливост би можела да им овозможи на хакерите далечински пристап до личните податоци и да внесат злонамерен код, што потенцијално ќе доведе до кражба на податоци.

Google автоматски го објавува ажурирањето на сите прелистувачи на Chrome, па ако веќе го немате, треба да пристигне наскоро. Поправката е вклучена во Chrome 119.0.6045.199 за Mac и Linux и 119.0.6045.199/200 за Windows.

Можеби ќе ве интересира...

Медиумите го тужеа Google за загуба од 2,1 милијарди евра во дигитално рекламирање

BiznisPRO

Најпродаваните телефони во третиот квартал: Едната марка доминира, другата му „дише во врат“

BiznisPRO

Lenovo со најслаби резултати од октомври 2021 година

BiznisPRO