Кина останува лидер: Русија оваа година би можела да го собори рекордот за извоз на течен природен гас во ЕУ

Русија оваа година би можела да извезува рекордни количини течен природен гас (ЛНГ) во ЕУ и покрај желбата на Брисел постепено да ги исфрли руските извори на енергија до 2027 година, тврди меѓународната невладина организација Глобал Витнес.

Врз основа на резултатите за првите седум месеци од оваа година, Кина останува лидер по обемот на увезен руски ЛНГ, а по неа следат Шпанија и Белгија, пренесува Комерсант.

Според податоците на организацијата Глобал Витнес, Шпанија од јануари до јули увезла 7,47 милиони кубни метри ЛНГ од Русија, а Белгија 7,08 милиони кубни метри течен природен гас.

Во првите седум месеци од годинава увозот на руски ЛНГ во земјите на ЕУ е за 40 отсто поголем во однос на истиот период од 2021 година, пред се поради нискиот базен ефект.

Во споредба со 2022 година, обемот на руски ЛНГ увезен од ЕУ во периодот од јануари до јули се зголеми за 1,7 отсто на годишно ниво.

Од август 2022 година до март 2023 година, ЕУ успеа да ја намали вкупната потрошувачка на гас за 17,7 отсто во однос на просечната потрошувачка во истите месеци во периодот од 2017 до 2022 година.

Можеби ќе ве интересира...

Внимавајте на еден од најголемите потрошувачи на електрична енергија во куќата: прилагодете ја ако сакате да заштедите

BiznisPRO

Заработија 3 милијарди долари: Нафтените компании во голем плус од почетокот на војната во Украина

BiznisPRO

Еве каде Бил Гејтс ги вложува парите: Ова е иднината

BiznisPRO