Компанија за кредитен рејтинг: „Русија можеби веќе банкротирала“

Русија можеби веќе банкротирала бидејќи не ги сервисира своите доларски обврзници во време на западни санкции поради војната во Украина, објави компанијата за кредитен рејтинг на обврзници „Мудис“ (Moody’s), што не се случило од годините веднаш по Октомвриската револуција во 1917 година.

На 4 април, Русија изврши исплати за две државни обврзници – со рок на доспевање во 2022 и 2042 година – во рубли, а не во долари. „Договорите за обврзници не содржат одредби за отплата во која било валута освен долари“, соопшти агенцијата.

„Затоа, според дефиницијата на ‘Мудис’, може да се смета дека Русија е во банкрот ако не ги исполни обврските во долари до 4 мај, кога истекува едномесечниот грејс период“, се вели во соопштението на „Мудис“ од четвртокот.

„Мудис“ тврди дека некои еврообврзници издадени на Русија по 2018 година дозволуваат плаќање во рубли под одредени услови, но дека постарите од тој период не го дозволуваат тоа.

„’Мудис’ смета дека вложувачите не добиле договорена исплата во странска валута на датумот на доспевање на исплатата“, велат од агенцијата.

Русија ја повтори својата желба да го врати долгот, но Западот ја спречи со воведување строги санкции откако ја нападна Украина на 24. февруари.

Русија не отплати 40 милијарди долари внатрешен долг во 1998 година, па ја девалвираше рубљата во времето на претседателот Борис Елцин, бидејќи практично банкротираше по азиската должничка криза и падот на цената на нафтата.

Можеби ќе ве интересира...

CNN: Кина направи четири потези кои го загорчуваат животот на Русија

BiznisPRO

НОВА ГОДИНА, НОВИ ПРАВИЛА: Еве што треба да знаете доколку барате стан во Германија

BiznisPRO

Доларот ослабе во однос на еврото

BiznisPRO