Регионалната рамнотежа на минималните плати ќе има нов изглед од 1 јануари 2026. Србија официјално ја подигнува нето-минималната заработка на 64.554 динари (околу 551 евро), Албанија ја крева платата на 515 евра, Бугарија ја заклучува целта на 620 евра, а Косово преку двоетапно прилагодување ќе стигне до 500 евра во текот на 2026. Во оваа споредба, Северна Македонија во моментов останува единствена во соседството со нето-минимална плата под 500 евра.
Во косовскиот пример, растот ќе оди во две фази: прво 425 евра од јануари 2026, а од јули истиот ќе биде коригиран до 500 евра.
Белград веќе ја формализираше сумата од 64.554 динари како нов минимум од 1 јануари 2026.
Во Албанија целта за 2026 е дефинирана на 50.000 лек, при што е најавено дека наредните 18 месеци по зголемувањето нема да има нови фискални оптоварувања.
Во Бугарија владата се одлучи за 620 евра од 1 јануари 2026.
Во Северна Македонија нето-минималецот од март 2025 е фиксиран на 24.379 денари односно неполни 400 евра, а најави за нови цифри за 2026-та нема.
Синдикатите уште на почетокот на годинава бараа 500 евра плата, која ионака не е прениска во однос на галопирачката инфлација и неверојатно високите цени на храната, пијалоците и други основни продукти, пишува Centar.mk.