Во Германија десетици илјади луѓе останаа без работа поради недостиг на материјали предизвикани од пандемијата, а уште повеќе се префрлија на работа со скратено работно време, покажуваат резултатите од анализата на Институтот за труд и истражување на пазарот на труд (ИАБ). .
Војната во Украина може да доведе до слични последици, но во помала мера – изјави експертот на ИАБ Енцо Вебер.
Според студијата, од април минатата до јануари годинава биле затворени 76.000 работни места поради недостиг на материјали во индустријата и градежништвото. За 446.000 се зголемил бројот на вработени со скратено работно време. Сепак, искуството покажува дека во пракса, работата со скратено работно време ја користат помалку компании отколку што е официјално наведено.
„Очигледно, работата со скратено работно време се користи за да се приспособи на недостигот од материјал“, се вели во студијата објавена од магазинот „Шпигел“ во четвртокот.
Војната во Украина ќе има слично влијание на пазарот на трудот, рече Енцо Вебер. – Евентуалните тесни грла во снабдувањето со материјали најмногу ќе се надоместат со намалено работно време.
Сепак, влијанието на војната е краткотрајно, или ќе заврши или економијата ќе се прилагоди на променетите услови на трговија. Вебер, исто така, очекува дека војната ќе има помало влијание врз синџирите на снабдување отколку пандемијата, пишува Б92.
Пандемијата е глобален феномен кој има директно влијание врз сите земји, додека војната во Украина има директно влијание само во две земји. Меѓутоа, војната може дополнително да ја влоши ситуацијата со тесни грла.