Еврозоната забележа трговски суфицит од 23 милијарди евра во јуни, објави денеска Евростат.
Според првата прелиминарна проценка, еврозоната во јуни извезла стоки за 252,3 милијарди евра, 0,3 отсто повеќе во споредба со минатиот јуни, а увезла стоки за 229,3 милијарди евра, 17,7 отсто помалку од јуни минатата година.
Во истиот период ЕУ забележа суфицит од 24,6 милијарди евра.
Во јуни ЕУ извезла стоки за 225,9 милијарди евра, 0,4 повеќе на годишна основа, а увезла стоки за 201,2 милијарди евра – 22,6 отсто помалку од јуни 2022 година.
Овие бројки се значително различни од истиот месец во 2022 година, кога еврозоната забележа трговски дефицит од 27,1 милијарди евра, а во ЕУ дефицит од 34,9 милијарди евра.
Во јуни, најголем раст на извозот на годишно ниво е забележан во Малта – 13,2 отсто, и во Ирска – 11,7 отсто, а најголем пад на извозот во Грција – 24,5 отсто, Белгија – 16,8 отсто, Бугарија – 15,6 отсто, и Финска – 15,4 отсто.
Во споредба со јуни минатата година, увозот е намален во сите земји од ЕУ освен Австрија.
Најголем пад на увозот на годишно ниво има Малта – 24,5 отсто, Бугарија – 22,6 отсто, Грција – 21,1 отсто и Финска – 20,2 отсто.