Иако златото на пазарот речиси отсекогаш било синоним за стабилност, последните седум месеци цената на златото доживеа пад, што ги загрижи аналитичарите.
Според анализата на Дојче банк, падот на цената на златото е и најдолг од 1869 година. Само во октомври цената на златото падна за 1,6 отсто, додека од почетокот на годината цената на овој благороден метал е намалена за 11 отсто.
– Цените на златото забележаа најдолг пад од 1869 година со нагло зголемување на приносите на обврзниците. Исто така, како фактор се наведува комбинацијата со зголемувањето на каматните стапки на американската ФЕД и другите централни банки ширум светот – се наведува.
o Кога станува збор за приносите на обврзниците, во белешката на Дојче банк се наведува дека тие пораснале од -0,49 отсто во март на 1,54 отсто во октомври, што ја намалило привлечноста на златото, иако инфлацијата остана висока.
Поради состојбата на пазарот и мерките што ги преземаат централните банки низ Европа и светот, се очекува состојбата со цената на златото да продолжи да флуктуира.