Владата и раководството на „ОКТА“ ја разгледуваат можноста за повторно активирање на производниот процес во рафинеријата, која не работи од 2012 година.
Премиерот Мицкоски вели дека се прави техничка проценка за тоа дали и за колкав период производството може повторно да биде активирано. Како важен фактор се посочува продуктоводот што ја поврзува рафинеријата со Солунското пристаниште. Според информациите од трговците, во моментов не се очекува недостиг на дизел.