На пазарот на „црното злато“ владее неизвесност: Цените на нафтата значително флуктуираа минатата недела

На светските берзи цените на нафтата значително осцилираа минатата недела, бидејќи трговците се загрижени за ризиците од рецесија во голем број економии, додека поддршка на цените обезбедува најавата за намалување на производството на ОПЕК.

Цената на барелот на лондонскиот пазар минатата недела се зголеми за два отсто, на 93,50 долари, додека на американскиот пазар цената на барелот се намали за 0,7 отсто, на 85,05 долари.

На европскиот пазар цената на нафтата се зголеми поради неодамнешното стапување во сила на забраната за увоз на руска нафта и деривати во Европската унија, како и одлуката на Организацијата на земјите извознички на нафта (ОПЕК) и нејзините сојузници да го намалат производството за два милиони барели дневно од ноември.

Цените се поддржани и од надежта на трговците дека Кина ќе ги олесни строгите мерки за да го спречи ширењето на СОВИД-19 и да ја зголеми потрошувачката на гориво.

Минатата недела имаше неизвесност на нафтените пазари, па еден ден цените на барелот поскапеа, а следниот ден паднаа.

Можеби ќе ве интересира...

Шринкфлацијата создаде јаз меѓу трговците на мало и добавувачите: Завојуваа за зголемување на цените, па дури имаше и судски спор

BiznisPRO

ПАДНА ОДЛУКА ЗА НОВИ ЦЕНИ НА ГОРИВАТА: Еуросупер 98 стигна 90 денари од литар – Бензините поскапуваат, дизелот поевтинува

BiznisPRO

Криза ја потресе Германија: Десетици илјади останаа без работа поради недостиг на материјали

BiznisPRO