Над 100 отсто поскапо: Парното драстично порасна во Австрија

Во Австрија последните денови температурите значително се намалија, а парното драстично порасна.

Во оваа земја на пелети се греат 667.354 домаќинства, чија цена во однос на лани е зголемена за цели 148 отсто.

Гасот со кој се затоплуваат околу 911.000 домаќинства поскапе за 113 отсто, додека нафтата за греење со која се уште се греат околу 509.000 домаќинства поскапе за 105 отсто.

Моментално полнењето на просечен резервоар од 3.000 литри чини 4.820 евра, а пред една година цената беше речиси двојно поевтина.

Поскапе и парното греење кое е најраспространето и кое го користат околу 1,2 милиони домаќинства.

Во просек, бидејќи цените варираат од регион до регион, цената на парното греење скокна за 62 отсто, а во Виена за дури 93 отсто.

Како резултат на тоа, речиси сите енергетски производи што се користат за греење во текот на зимата поскапеа, а нивната цена претставува голем товар за секое домаќинство.

Можеби ќе ве интересира...

Тесла му плати на Маск „неразбирлива сума“: Судот одлучи дека милијардерот нема право да задржи 56 милијарди долари

BiznisPRO

Британскиот нафтен гигант ги надмина очекувањата

BiznisPRO

Без увоз, исклучиво од сопствено производство ЕСМ изминатото деноноќие ги задоволи потребите од струја на домаќинствата и малите потрошувачи

BiznisPRO