Минатата година Русија заработи речиси 187 милијарди долари од испораките на нафта, гас и јаглен на пријателските земји, што е 56 милијарди долари повеќе од просечната сума заработена од снабдувањето на европските земји пред воведувањето на антируските санкции.
Руската агенција ги проучувала податоците од националните статистички служби на најголемите купувачи на јаглеводороди од Русија, Турција, Кина, Индија, Бразил, Индонезија, Малезија и ЕУ.
Во анализата се споредува просечната цена на залихите во периодот од 2019 до 2021 година и за 2023 година. Податоците за 2022 година не беа земени предвид поради невообичаени промени на увозните цени.
Намалувањето на нарачките од земјите на ЕУ беше неутрализирано со зголемените приходи од извоз во Турција, Кина, Индија, Бразил, Индонезија и Малезија.
Најголем купувач на руска енергија минатата година беше Кина, која двојно ја зголеми потрошувачката на јаглен, гас, нафта и нафтени деривати.