Турција ги намали даноците на додадена вредност на голем број производи, вклучувајќи медицинска опрема и средства за хигиена, за да се бори против инфлацијата, изјави денеска турскиот претседател Реџеп Таип Ердоган.
Одлучивме да го намалиме ДДВ за производи како што се детергент, сапун, тоалетна хартија, салфетки и пелени за бебиња од 18 на осум отсто, рече тој.
Падот на лирата и растот на цените на храната и енергијата доведоа до 54,4 отсто инфлација во февруари, што е највисока во последните 20 години.