НОВ ЗЕМЈОТРЕС НА ПАЗАРОТ: Енергетскиот гигант Equinor ја прекина трговијата со руска нафта

Норвешкиот енергетски гигант Equinor ќе престане да тргува со руска нафта и нафтени деривати, се вели во соопштението објавено на веб-страницата на компанијата.

По најавата дека „Еквинор“ го започна процесот на напуштање на проектите во Русија, донесена е одлука компанијата да престане да тргува со руска нафта. Тоа значи дека „Еквинор“ нема да влегува во нов бизнис ниту ќе учествува во транспортот на нафта и нафтени деривати од Русија – се нагласува во соопштението.

Компанијата претходно најави дека ќе престане да купува руска нафта, како дел од повлекувањето на бизнисот од Русија поради ситуацијата во Украина, потсетува ТАСС.

На 28 февруари Equinor објави дека е донесена одлука за повлекување од заедничките проекти во Русија и суспендирање на нови инвестиции во таа земја.

Рускиот претседател Владимир Путин на 24 февруари објави дека одлучил да започне специјална руска операција во Украина, на барање на лидерите на самопрогласените републики во Донбас.

Тој нагласи дека Русија нема намера да окупира украински територии и дека целта на операцијата е „деназификација“ и демилитаризација на Украина.

Можеби ќе ве интересира...

Кој ќе ги снабдува домаќинствата со струја? – Пан Интертрејд обвинува за притисок, а не ги демантира информациите на медиумите дека има еден вработен

BiznisPRO

Биткоинот надмина 64.000 долари, брка рекорд од 2021 година

BiznisPRO

Подобро од другите: Apple сега вреди повеќе од 3 познати компании ЗАЕДНО

BiznisPRO