Отпуштањата продолжуваат: Гугл укинува стотици работни места

Гугл укинува стотици работни места низ својата глобална организација како дел од поширокото намалување на вработувањата во компанијата во следните неколку квартали.

За жал, мораме значително да ја намалиме големината на организацијата за регрутирање – рече Брајан Онг, потпретседател за регрутирање на Google, во видео порака до вработените во средата, пренесува Seebiz, повикувајќи се на CNBC.

Онг изјавил дека тоа не е лесна одлука и дека не би сакал да разговара за тоа со вработените оваа година, но дека отпуштањата се неизбежни со оглед на следните неколку квартали, пренесува Б92.

„Alphabet“ во јануари објави дека отпушта 12.000 работници, што влијае на околу шест отсто од вработените со полно работно време. Отпуштањата се случија низ целата компанија, вклучувајќи ја и организацијата за регрутирање. Додека Google е во режим на намалување на трошоците од минатата година, Alphabet објави поголем од очекуваното зголемување на приходите во вториот квартал.

Онг рече дека вработените погодени од најновите отпуштања ќе го задржат пристапот до канцелариите оваа недела, додека сè уште ќе имаат пристап до онлајн системите на компанијата некое време. Вработените претходно ја критикуваа компанијата за нагло прекинување на пристапот до оние кои беа отпуштени во јануари.

Компанијата соопшти дека ќе продолжи да инвестира во врвни инженерски и технички таленти, истовремено значително забавувајќи го темпото на севкупното вработување. Соодветно на тоа, потребата од регрутери исто така е намалена.

Можеби ќе ве интересира...

Одлуки за цените на горивата во Македонија можеби ќе треба да се носат и на дневно ниво: Значително поскапуваат горивата, нафтата на светските берзи расте

BiznisPRO

Ги има четири во Западна Европа: Ова се 10-те НАЈСКАПИ ГРАДОВИ во светот

BiznisPRO

Состојба на крипто берзите: Биткоинот стабилен на 26.870 евра

BiznisPRO