Овие занимања се најбарани во Германија

Недостигот на работна сила во Германија во последно време најмногу расте во професиите од транспортниот сектор, според студијата на Центарот за работни компетенции (Кофа) на Институтот за германска економија (IW).

Највисоката стапка на раст на дефицитот на квалификувани работници од лани, 89 отсто, се однесува на возачите на автобуси и трамваи. Непополнети останаа дури 3.594 места бидејќи немаше квалификувани кандидати.

Речиси 80 отсто од позициите за контрола и оперативна услуга во железницата, 2.265 од нив и 45 отсто од позициите на машиновозачите, повеќе од 4.000, останаа непополнети.

Авторите на студијата го припишуваат ненадејното зголемување првенствено на зголемувањето на побарувачката за квалификувани работници поради напорите на државата, во рамките на климатските цели, да го насочи населението кон железничкиот транспорт.

„Проширувањето на јазот во транспортните професии е тесно поврзано со транзицијата на мобилноста“, наведуваат тие во извештајот.

Севкупно, дефицитот на работната сила некако се намали минатата година: 570.000 слободни работни места беа за 10 отсто помалку отколку во 2022 година.

„И покрај падот, јазот останува многу голем“, се вели во извештајот.

Сè уште недостигаат најквалификувани работници во областа на здравството, социјалните услуги, наставата и образованието.

Економистите го припишуваат намалувањето на дефицитот на професионалната работна сила на колебањето на германската економија, па тој тренд треба да продолжи во текот на целата година. Закрепнувањето, сепак, повторно ќе го истурка тој проблем на прв план.

Можеби ќе ве интересира...

Француската економија во пад од 0,1 отсто: Ноемвриската инфлација се намали повеќе од очекуваното

BiznisPRO

Доаѓаат пари за пензионерите: МТСП објави кога ќе легне дополнителната помош до 3.000 денари на сметките на македонските пензионери и загрозени граѓани

BiznisPRO

Компанија за кредитен рејтинг: „Русија можеби веќе банкротирала“

BiznisPRO