ПРОДОЛЖУВА ТРЕНДОТ НА РАСТ: Цената на маслиновото масло драстично порасна за една година

Цената на маслиновото масло во Европската унија во јануари се зголеми за 50 отсто во однос на истиот месец лани.

Цената на маслиновото масло во Европската унија нагло порасна во втората половина на 2023 година, а цените во август 2023 година беа за 37 отсто повисоки во споредба со истиот месец во 2022 година, објави Евростат на својата веб-страница.

Трендот на пораст на цените продолжи и во септември 2023 година со раст од 44 отсто на годишно ниво на маслиново масло, како и 50 отсто во октомври, 51 отсто во ноември и 47 отсто во декември.

Во јануари годинава годишен пораст на цената на маслиновото масло е забележан во сите земји од Европската унија, а најизразен е во Португалија, за 69 отсто, Грција за 67 отсто и Шпанија за 63 отсто.

Најмалку цените на маслиновото масло пораснале во Романија, за 13 отсто на годишно ниво, во Ирска за 16 отсто и во Холандија за 18 отсто.

Можеби ќе ве интересира...

МЗШВ: Историски најголем земјоделски буџет за 2023 година со цел обезбедност со храна и зголемено производство

BiznisPRO

Бачовски: Исплатени 58.9 милиони денари дополнителна поддршка за 1925 регистрирани земјоделци

BiznisPRO

Германскиот министер за финансии до земјоделците: Нема повеќе пари за субвенции

BiznisPRO