Профитот на саудискиот нафтен гигант Арамко падна за 25 отсто на 121 милијарда долари

Саудискиот државен нафтен гигант „Арамко“ објави дека забележал профит од 121,3 милијарди долари во 2023 година, што е за 25 отсто помалку отколку во 2022 година, кога остварил профит од 161,1 милијарди долари.

Глобалната побарувачка на нафта достигна рекордно ниво во 2023 година и покрај геополитичката нестабилност, економските спротивставени ветрови и инфлаторните притисоци, изјави извршниот директор на Арамко, Амин Насер.

Компанијата во соопштението потенцира дека минатата година остварила втор најголем профит во историјата.

– Намалувањето во однос на истиот период минатата година може да се припише на пониските цени на суровата нафта и продадените количини нафта, како и намалените маржи за преработка и хемикалии, се вели во соопштението на саудиската компанија.

Арамко, исто така, соопшти дека нејзиниот годишен приход во 2023 година паднал за 17 отсто на годишно ниво на 440,88 милијарди долари.

Компанијата, и покрај падот на профитот и приходите, одлучи да ја зголеми основната дивиденда за четвртиот квартал од 2023 година за четири отсто, на 20,3 милијарди долари, како и дивидендата поврзана со перформансите за девет отсто, на 10,8 милијарди долари.

Можеби ќе ве интересира...

Уште една земја на работ на рецесија

BiznisPRO

Швајцарскиот франк падна

BiznisPRO

ПАДНА ОДЛУКА ВО РКЕ: Поевтинува дизелот, еве за колку

BiznisPRO