Работниците во Германија очекуваат војната да ги погоди нивните компании

Вработените во Германија очекуваат дека војната што Русија ја започна против Украина ќе влијае на компаниите во кои работат, покажа една анкета.

Во големите приватни компании, повеќето вработени изјавија дека очекуваат негативни последици.

Половина од 2.500 испитаници во приватни компании низ Германија рекле дека рускиот напад врз Украина ќе има последици и врз нивната компанија, според анкетата објавена во понеделникот од Институтот Сивеј за фондацијата Бертелсман.

Иако 37 отсто од учесниците во истражувањето не очекуваат никаков ефект, истражувањето кое било спроведено од 14 до 29 март покажало разлики во зависност од големината на компанијата.

Во помалите компании, со максимум 50 вработени, нешто помалку од 45% од нив велат дека војната ќе ја почувствуваат на работа. 43 отсто имаат различно мислење дека војната нема да влијае.

Во големите компании, истражувањето покажува нешто помрачно расположение. Таму 56 отсто се изјасниле дека се плашат од последиците, додека 31 отсто од вработените имале спротивни очекувања.

Речиси 37 проценти од сите учесници во истражувањето претпоставуваат дека ќе биде неопходно да се реорганизираат односите со клиентите и добавувачите.

Една четвртина од вработените сега велат дека треба да обрнат повеќе внимание на енергетската ефикасност, додека само девет отсто велат дека поради војната треба посилно да се фокусираат на иновациите.

Околу 16 отсто од вработените изјавиле дека во сегашната ситуација одговорноста за демократијата треба да биде обврска на нивните компании.

Можеби ќе ве интересира...

Затворија 150 фабрики за облека за еден ден: Работниците бараа повисоки плати, па добија отказ, а тројца загинаа

BiznisPRO

Хонда повлекува 750.000 возила во САД поради воздушни перничиња

BiznisPRO

Цената на нафтата паѓа

BiznisPRO