Рекордни цени во САД во последните 40 години: Инфлацијата се зголеми на речиси 8% во февруари

Инфлацијата во САД во февруари порасна за 7,9 отсто на годишно ниво, објави денеска Заводот за статистика на Бирото за статистика.

Ова е најголемото забрзување на стапката на раст на потрошувачките цени од јануари 1982 година, кога американската економија се соочи со двојна закана од пораст на инфлацијата и опаѓање на економскиот раст, пренесува CNBC.

На месечно ниво, растот на потрошувачките цени во февруари изнесува 0,8 отсто.

Економистите анкетирани од Дау Џонс предвидоа дека општата инфлација ќе се зголеми за 7,8 отсто на годишно ниво, а месечно за 0,7 отсто.

Цените на храната се зголемија за 1,0 отсто во однос на јануари, додека цените на енергијата водеа за 3,5 отсто и придонесоа околу една третина во вкупната инфлација.

Базичната инфлација, без нестабилните цени на храната и енергијата, се зголеми за 6,4 отсто на годишно ниво, што е највисоко ниво од август 1982 година. На месечна основа, базичната инфлација се зголеми за 0,5 отсто.