На овогодинешниот саем за автомобили во Белград доминираа електричните модели, а меѓу нив особено се истакна еден од кинеското производство.
Имено, MG4 е прогласен за автомобил на годината, одлучи жирито на Здружението на автомобилски новинари на Србија (ААНС).
Меѓу финалистите за изборот за автомобил на годината се најде Toyota C-HR, која заврши на второто место со само еден поен зад MG, потоа Nissan X-Trail и Volkswagen ID7 го поделија третото место, додека Hyundai Kona беше на петтото место.
„MG4 се истакна благодарение на пристапната цена, одличната приспособливост на градското возење, економичноста и доверливоста, со што докажа дека врвната технологија не е единствениот фактор што ја одредува вредноста на автомобилот на пазарот.
Станува збор за модел кој е еден од најевтините електрични автомобили во својата класа во Србија, а за време на продажната кампања на саемот неговата почетна цена беше 30.990 евра“, се наведува во соопштението на Саемот.
ПОВЕЌЕ ОД ИНТЕРНЕТОТ...