Земјите на ЕУ забранија минување на камиони регистрирани во Русија и Белорусија, поради санкциите, соопшти Федералната царинска служба на Русија.
Новите санкции влијаеја на забраната за товарен сообраќај во ЕУ, вклучително и транзит.
Сега возилата со руски и белоруски регистарски таблички нема да можат да превезуваат стока на територијата на земјите од ЕУ, објави Спутник.
Според достапните информации, камионите кои моментално превезуваат фармацевтски, медицински, прехранбени и земјоделски производи, вклучително и пченица, како и енергија, обоени материјали и ѓубрива, не подлежат на ограничувања.
– Транзит до Калининградската област се уште е возможен, но само за возила регистрирани во Русија – прецизира руската служба.