Американскиот производител на електрични возила Тесла денеска објави дека ќе го прекине производството во својата германска фабрика во близина на Берлин.
Производството ќе биде суспендирано од 29 јануари до 11 февруари поради нападите во Црвеното Море кои ги нарушуваат синџирите на снабдување.
„Вооружените конфликти во Црвеното Море и поврзаните промени во транспортните рути меѓу Европа и Азија преку Кејп Добра надеж, исто така, влијаат на производството во германската фабрика „Тесла“ во градот Гринхајд“, се вели во соопштението на американската компанија.
Првата фабрика на Tesla во Европа во Гринхајде беше отворена во 2022 година и вработува 11.000 работници.
Транспортниот коридор низ Црвеното Море е на удар на бунтовничките јеменски Хути, а заобиколувањето на бродовите низ Африка трае најмалку 10 дена подолго и ги зголемува трошоците.
Соединетите држави и Велика Британија денеска започнаа напади врз цели поврзани со Хутите во Јемен како одговор на нападите на Хутите врз бродови во Црвеното Море.