Тесла ќе ги повлече скоро сите 2,2 милиони возила што ги продаде во САД од 2012 година, бидејќи некои предупредувачки светла на контролната табла се премногу мали, објави денеска американската Национална управа за безбедност на сообраќајот на патиштата (NHTSA).
Агенцијата соопшти дека предупредувачките светла за сопирачките на електричните возила на компанијата во сопственост на Илон Маск имаат помала големина на фонтот отколку што се бара со федералните безбедносни стандарди.
NHTSA вели дека ова може да го отежне читањето на критичните безбедносни информации, зголемувајќи го ризикот од несреќа.