Како што јавија локалните медиуми новите царини на американскиот претседател Доналд Трамп за Мексико и Канада, заедно со зголемувањето на царините од 10 отсто за кинеските производи, стапија на сила.
Увозот од Канада и Мексико сега ќе се оданочува со стапка од 25%, а канадските енергетски производи ќе бидат погодени со пониска стапка од 10%. Администрацијата на Трамп, исто така, постави дополнителни тарифи од 10% за целиот увоз од Кина, на врвот на царините од 10% што Трамп веќе ги воведе во февруари.
Американскиот претседател Доналд Трамп вчера изјави дека најавените царини од 25 отсто за Мексико и Канада ќе стапат на сила денеска, додавајќи дека двете земји и американските трговски партнери „немаат простор“ да преговараат понатаму за ова прашање.
Трамп нагласи дека царините служат за „казнување“ на земјите кои, како што рече, земаат од американската економија и не и враќаат доволно, пренесува Си-Ен-Ен.
Претходно, трговскиот советник на Белата куќа, Питер Наваро, рече дека воведувањето царини за други земји нема значително да ја зголеми инфлацијата во САД.
Трамп минатата недела и се закани на Кина со дополнителни царини од 10 отсто, кои исто така треба да стапат на сила во вторник, со што вкупните царини ќе достигнат 20 отсто.
НАЈЧИТАНО НА ИНТЕРНЕТ...