Цените на нафтата паднаа минатата недела

НА СВЕТСКИТЕ пазари цените на нафтата паднаа минатата недела бидејќи централните банки нема да ги намалат каматните стапки толку брзо како што се очекуваше, па трговците стравуваат од дополнително забавување на економскиот раст, а со тоа и побарувачката на „црното злато“.

На лондонскиот пазар цената на барелот минатата недела падна за 1,8 отсто, на 82,08 долари, додека на американскиот пазар цената на барелот се намали за 2,5 отсто, на 78,01 долар.

Така, минатонеделните цени загубија голем дел од добивките од претходната недела, а трговците беа фокусирани на монетарната политика.

Во извештајот до Конгресот за економската ситуација, претседателот на американската централна банка, Џером Пауел, рече дека лидерите на ФЕД сакаат да бидат сигурни дека инфлацијата ќе продолжи да слабее кон целното ниво од 2 проценти пред да одлучат да го намалат каматни стапки.

Коментарите на Пауел ги зајакнаа пазарните очекувања дека ФЕД може да започне со намалување на каматните стапки во јуни, подоцна од очекуваното.

А тоа значи дека може да очекуваме дополнително забавување на растот на најголемата светска економија, како и на потрошувачката, па не би требало да се зголемува ниту побарувачката на нафта.

Лидерите на Европската централна банка, пак, очекувано на седницата во четвртокот ги оставија каматните стапки непроменети на рекордно високи нивоа. Сепак, тие сигнализираа дека во јуни може да почнат со намалување на каматните стапки.

Позначителен пад на цената на нафтата спречија податоците за меѓународната трговија на Кина, кои беа подобри од очекувањата. Ова ги поттикна надежите дека закрепнувањето на втората по големина светска економија се забрзува.

Главно поради геополитичките тензии на Блискиот Исток, од почетокот на годинава цената на нафтата на лондонскиот пазар е зголемена за речиси 7 отсто, а на американскиот пазар за речиси 8 отсто, откако минатата година падна за околу 10 отсто.

Можеби ќе ве интересира...

Google Chrome се менува: Доаѓаат големи промени за корисниците

BiznisPRO

СЀ ПОМАЛКУ ЗАЛИХИ: САД воведоа ембарго за руска нафта и енергенси

BiznisPRO

Заработија 3 милијарди долари: Нафтените компании во голем плус од почетокот на војната во Украина

BiznisPRO