Цените на нафтата во светот продолжуваат да паѓаат

На светските берзи минатата недела цената на нафтата падна за речиси два отсто бидејќи трговците се скептични за намалувањето на производството од страна на членките на ОПЕК и затоа што е можен натамошен пад на побарувачката поради слабоста на економијата.

На лондонскиот пазар цената на барелот минатата недела падна за 2,1 отсто – на 78,88 долари, додека на американскиот пазар цената на барелот падна за 1,9 отсто – на 74,07 долари.

Организацијата на земјите извознички на нафта (ОПЕК) и нејзините сојузници одлучија да го намалат производството во првиот квартал од следната година за приближно 700.000 барели дневно.

ОПЕК+ произведува повеќе од 40 отсто од светската нафта и веќе подолго време го намалува производството со цел да ги поддржи цените кои паднаа од речиси 100 на околу 80 долари за барел поради слабеењето на економиите, а со тоа и побарувачката за нафта.

Првично одлуката на ОПЕК го поддржа растот на цената на нафтата, но набрзо тие паднаа бидејќи трговците се скептични со оглед на тоа што производителите доброволно ќе го намалат производството и нема да има контроли.

Можеби ќе ве интересира...

Значително пораснале трошоците за градење – пораснале трошоците за вработените, но има голем пад кај градежните материјали

BiznisPRO

Многу споени викенди и голем број на неработни денови – Еве ги сите празници за 2024 година

BiznisPRO

Биткоинот благо падна на 39.000 евра, Binance Coin порасна за четири отсто

BiznisPRO