Хрватска ќе го добие својот прв соларен автопат, а соларни панели ќе се градат во реонот на одморалиштето во Загреб Плитвице, одморалиштето Растовица и клучките Среданци и Ивања Река.
Загреб Бизнис Дејли објави дека е објавен тендер за идејни проекти за соларни централи на четири локации долж автопатот А3 од Загреб до жупанија Вуковар-Срем.
Ќе се простира на вкупно приближно 36 хектари, а дизајнерите мора да создадат три модели на производство на електрична енергија и препорака за исплатливост, заедно со идејно решение за секоја електрана.
Целта на проектот е да се намали енергетската зависност на компанијата Хрватски автопати (HAC) со преминување на чиста енергија, во согласност со целите поставени во Националната стратегија за развој на Република Хрватска до 2030 година.
Составен дел на оваа стратегија е и проширувањето на мрежата на станици за полнење на електрични автомобили, а планот е за пет години да има 259 електрични станици за полнење на мрежа од 1.100 километри автопати низ цела Хрватска.
Тендерот заврши во понеделник, а избраниот проектант се очекува да ја заврши работата во рок од осум месеци.