Регулаторната комисија за енергетика и водни услуги донесе нова одлука со која од ноќеска се намалуваат малопродажните цени на нафтените деривати во земјата.
Според последната одлука, цените на бензините ЕУРОСУПЕР БС-95 и ЕУРОСУПЕР БС-98 се намалуваат за 1 денар по литар. Со тоа, новите малопродажни цени изнесуваат:
- ЕУРОСУПЕР БС-95: 73,00 ден/лит
- ЕУРОСУПЕР БС-98: 75,00 ден/лит
Намалување има и кај дизел горивата. Малопродажните цени на ЕУРОДИЗЕЛ (Д-Е V) и Екстра лесното масло за домаќинство (ЕЛ-1) се поевтини за 0,50 денари по литар, па така новите цени изнесуваат:
- ЕУРОДИЗЕЛ (Д-Е V): 68,00 ден/лит
- Екстра лесно масло за домаќинство (ЕЛ-1): 67,50 ден/лит
Одлуката е донесена врз основа на движењата на цените на нафтата на светските берзи во изминатата недела, како и курсот на денарот во однос на доларот.
Новите цени стапуваат на сила од полноќ и ќе важат следните седум дена.