Босанците ги празнат рафтовите во продавниците поради војната – трговските ланци излегоа со важно известување

Граѓаните во поголемиот дел од Босна и Херцеговина побрзаа на пазарите сакајќи да купат брашно, масло, сол, шеќер.

Од најголемиот ланец на маркети рекоа дека има доволно снабдување со основни прехранбени производи и дека нема потреба од паника.

„Ги информираме граѓаните дека Бинго како најголем малопродажен синџир во БиХ има доволно залихи од основните прехранбени производи за потребите на пазарот во БиХ. Синџирите на снабдување не се загрозени, ниту пак имаме најави од клучните добавувачи од овие категории за потенцијални проблеми со снабдувањето.

Апелираме до граѓаните да купуваат одговорно и во согласност со нивните вообичаени потреби.

Воедно, Бинго ќе ги преземе сите мерки за да спречи прекумерно купување, со цел да се препродаде робата.

„Сите наши вработени во малопродажбата и дистрибуцијата вложуваат максимални напори стоката од магацинот да ја добијат на полиците што е можно поскоро“, соопштија од компанијата.