Обединетите Арапски Емирати во неделата потпишаа договор за лансирање на летечка такси услуга до 2026 година.
Дубаи на тој начин ќе стане првиот град во светот кој ќе започне комерцијална електрично такси услуга за целиот град.
Новинската агенција Емирати (WAM) објави на платформата X дека воздушното такси Joby Aviation S4 е дизајнирано да прими пилот и четворица патници и има нула емисија на издувни гасови.
Таксито, со максимален опсег на летот од 161 километар и максимална брзина од 320 километри на час, ќе ви биде на услуга во близина на меѓународниот аеродром во Дубаи, во центарот на градот, Марина во Дубаи и Палм Џумеира.
Времето на патување меѓу меѓународниот аеродром во Дубаи и Палм Џумеира, кое во моментов трае 45 минути со автомобил, ќе се намали на 10 минути со летање такси, се вели во соопштението.