ЕВТИН ВО ОКТОМВРИ: Цената на гасот во Европа се уште паѓа

Цената на гасот во Европа падна за повеќе од една третина во октомври 2022 година во споредба со претходниот месец, на околу 1.246 долари за 1.000 кубни метри, се вели во извештајот на лондонската берза ICE за движењето на цените за ноемвриските и декемвриските фјучерси и пресметките на агенцијата Тас с.

Една од главните причини за ваквото намалување на цените е невообичаено топлото време во регионот, што го одложува почетокот на грејната сезона, се наведува во информацијата.

На последниот ден од тргувањето во септември цената на фјучерсите на гасот беше околу 1.884 долари за 1.000 метри кубни, а на крајот од тргувањето на 31 октомври 1.246 долари, што е пад од 34 отсто во однос на претходниот месец. .

Просечната цена на гасот во Европа во октомври беше околу 1.382 долари за 1.000 кубни метри, а во септември 2.090 долари.