„Голдман Сакс“: Европа ќе го дочека крајот на зимата со поголема понуда на гас отколку што очекувавме

Поради потоплиот почеток на зимата, Европа ќе ја дочека пролетта со поголема понуда на гас од претходно очекуваното. Ова ќе биде олеснување за Европа, која се бори со невидена енергетска криза, се вели во извештајот на „Голдман Сакс“.

Се претпоставува дека европските резерви на гас ќе бидат исполнети до речиси 30 отсто од нивниот капацитет на крајот на март. Претходно, се претпоставуваше дека овој процент ќе биде помал, од 21 на 23 отсто, соопшти вчера „Голдман Сакс“. Ова ќе ѝ овозможи на Европа полесно да ги надополнува резервите за следната зима во текот на летото, додаваат во извештајот.

„Летово ќе треба да се надополнат резервите“, стои во анализата. „Ќе биде предизвик повторно да се пополнат со капацитет од најмалку 90 отсто поради што намалувањето на побарувачката ќе биде уште поитно“.

„Голдман Сакс“ претходно процени дека цената на гасот за мегават-час следното лето ќе биде 180 евра. Според новите процени, таа сума е за 55 евра помалку. Исклучително топлото време во северозападна Европа, кое трае од крајот на октомври, ги намали цените на горивото побргу од очекуваното, се забележува во извештајот.

Европа се бори со недостиг на гориво откако Русија го прекина протокот на гас преку гасоводите поради европската поддршка за Украина. Па, иако Европа успеа да обезбеди снабдување со гас за оваа година, следната година ќе биде многу потешко без рускиот гас. Особено ако Кина влезе во равенката.

Можеби ќе ве интересира...

Во Европа постои таен клуб на големи финансиери и банкари

BiznisPRO

Доаѓањето на ЛИДЛ во Македонија ќе го разбие монополот на некои ланци маркети: Погледнете какви се цените во Србија на млечните производи

BiznisPRO

Прехранбената компанија пропаѓа: Полиците се празни

BiznisPRO