Големите даночни обврзници учествуваат со повеќе од 40 проценти во вкупно остварените даночни приходи во државата, беше соопштено денеска на одбележувањето на 20 години од формирањето на Дирекцијата за големи даночни обврзници во УЈП.
Министерката за финансии Гордана Димитриеска-Кочоска изјави дека најавената модернизација на даночниот систем треба да донесе поефикасни институции и подобри услуги за компаниите, а не автоматски повисоки даноци.