Во четвртиот квартал од 2023 година, грчката економија порасна за 0,2 отсто во однос на претходниот квартал.
На овој начин избегна техничка рецесија по падот од 0,1 отсто во третиот квартал од минатата година, објави денеска грчкиот статистички институт ЕЛСТАТ.
Потрошувачката на домаќинствата квартално се зголемила за 1,8 отсто, а државната за 2,7 отсто, и во двата случаи со значително побрзо темпо отколку во третиот квартал, објави ЕЛСТАТ на својата веб-страница.
Во четвртиот квартал од 2023 година грчкиот извоз порасна за 2,1 отсто, додека увозот стагнира во однос на третиот квартал.