ДАВОС – Европската централна банка (ЕЦБ) веројатно ќе ги намали референтните каматни стапки во текот на летото, изјави претседателката на ЕЦБ Кристин Лагард во интервју за ТВ Блумберг во Давос.
Лагард посочи дека конечната одлука за каматните стапки ќе зависи од податоците што ќе пристигнат и дека се уште постои одредено ниво на неизвесност бидејќи некои показатели се уште не се „цврсто закотвени“ на посакуваното ниво.
Таа додаде дека пазарите не треба да бидат премногу оптимисти за намалување на каматните стапки, бидејќи тоа ќе се спротивстави на напорите на Европската централна банка да ја потисне инфлацијата.