Надежта го заменува стравот: Цената на нафтата падна за повеќе од седум отсто

Цените на нафтата денеска паднаа за повеќе од 7 отсто, бидејќи стравувањата од недостиг од снабдување беа заменети со надежи дека новата рунда руско-украински мировни преговори ќе вроди со плод.

Европската нафта „брент“ моментално поевтини за 8,25 долари или 7,32 отсто и се тргува за 104,4 долари за барел, покажуваат најновите податоци на специјализираната веб-страница oilprice. com, кој ги следи движењата на цените во реално време.

Американската нафта „WTI“ потона за 8,52 долари или 7,79 отсто на 100,8 долари за барел.

Оптимизмот на пазарот дека продолжувањето на преговорите меѓу Русија и Украина може да доведе до прекин на воениот конфликт беше поттикнат од изјавата на украинскиот претседател Володимир Зеленски во текот на викендот дека има знаци дека разговорите стануваат позначајни, пишува Блумберг.

Можеби ќе ве интересира...

Цената падна под нулата: Европа сега има толку многу гас што не знае што да прави со него

Бизнис про

Големи разлики меѓу Западот и Истокот: Во овие градови во Германија просечната плата е повеќе од 5.000 евра

Бизнис про

Рецесија на повидок: Г7 не прифаќа рубљи, Путин на потег

Бизнис про