Денес е објавен Јавен повик бр. 01/2025 за доставување на барања за исплата на средства од Програмата за финансиска поддршка во руралниот развој за 2025 година.
Предмет на овој оглас е доделување на финансиска поддршка од мерката 213 – помош за зачувување на руралните предели и нивните традиционални карактеристики, односно надомест на трошоци за одржување на висински пасишта и ливади и поддршка за тaрдиционалното сточарство (плати за овчари, козари и говедари).
Корисници на оваа мерка се сите земјоделски стопанства кои исплатиле плата за периодот од 01 јануари 2023 до 31 декември 2023 година, како трошок за чување и напасување на добиток (овци, кози и/или говеда).
Критериумите за висината на исплатената плата се наведени во Јавниот повик објавен на веб страната на Агенцијата за финансиска поддршка во земјоделството и руралниот развој.
Крајниот рок за доставување на барањата е 31.03.2025 година, барањата доставени после дадениот рок нема да бидат разгледувани.
ПОПУЛАРНО НА ИНТЕРНЕТ...