ОГРОМЕН СКОК НА ЦЕНАТА НА ПЧЕНИЦАТА: Причината е пропаѓањето на Црноморскиот договор

Цената на пченицата во тргувањето денеска скокна откако Русија се повлече од договорот со Украина за извоз на жито по нападите на бродовите вклучени во обезбедувањето на трговскиот пат преку Црното Море.

Пченицата за испорака следниот месец поскапе за 5,5 отсто на 8,75 долари за бушел (27,2 килограми) на трговската берза во Чикаго, достигнувајќи максимум од 8,93 долари во почетокот на тргувањето. Цената на пченката се зголемила за 2,2 отсто по бушел (25,4 килограми), додека сојата зајакнала за 1,0 отсто на 14,13 долари, пренесува Раша тудеј.

Договорот за жито, со посредство на ОН и Турција, беше договорен меѓу Русија и Украина во јули, со цел да се деблокира извозот на земјоделски производи преку Црното Море од Русија и Украина, кои беа запрени поради воениот конфликт меѓу двете земји.

Москва во саботата објави дека се повлекува од договорот поради напади со беспилотни летала врз бродовите на руската Црноморска флота кои обезбедуваат премин на земјоделски товар. Киев ниту го потврди ниту негира извршувањето на нападот, а одлуката на Русија ја окарактеризира како „примитивна уцена“.

Заедничкиот координативен центар во Истанбул денеска соопшти дека ОН, Турција и Украина се договориле за план за заминување на 16 бродови лоцирани во турските територијални води и покрај одлуката на Русија да го суспендира договорот.

Можеби ќе ве интересира...

Индија би можела да стане трета светска економија до 2027 година

BiznisPRO

Празнична магија во австриската престолнина: варено вино во Виена чини 5 евра, но ќе платите ТРОЈНО ПОВЕЌЕ ако не внимавате на еден детаљ

BiznisPRO

Пиварницата ги зголемува цените

BiznisPRO